Bilqiegħda qalb ħaxix iswed (Trad. Clare Azzopardi)

 

1

Illejla, bilqiegħda qalb ħaxix iswed

Bejn bewsa u oħra

Inħarsu lejn ħutna, l-istilel

 

Għajnejna f’ta’ xulxin

It-tfal għadhom jilagħbu fin-nixxiegħa

 

Iċ-ċagħaq jaqa’ bla ħoss mis-sema

Ġentili, fuq ġisimna għajjien

 

Il-meteoriti jgħaddu minn ħwejġek

Ħanini

Idejk bħall-alka

Sidrek il-ħut

 

Mewġa, Oċean

Ħares il-mejtin tiegħek

Tina l-istejjer tiegħek

Tat-tħaddin, ta’ frott il-baħar

 

Tista’ qatt ma tieqaf tkun is-sajf

 

2

Ħanini, ħanini

Qalbi tħabbat daqs reattur nukleari

 

Il-qoxra tad-dinja

Il-qoxra tal-kliem

Lava ta’ kliem inixxi

L-għaraq tal-bniedem iqattar

Fix-xmajjar, fl-ibħra, fl-irjieħ, fit-tajn

Arterji u vini leqqiena

 

Taħraq ix-xemx

Tiġi kuljum biex tħaffirli ftit iktar ’il ġildti

 

Għaraq

 

Għaraq!

Il-weraq tas-siġar

U l-ibħra tal-plastik

L-għaraq tal-bniedem!

l-injam, il-qoxra, il-qalba

L-għaraq tal-bniedem!

 

Ma nħaqqaqhiex iżjed

Ma niċċaqlaqx

Nistenna t-tgħanniqa tal-iskald

 

Il-vojt qalb is-saffi,

Il-vojt qalb l-iġsma,

Il-kliem inixxi bil-mod

L-art timtedd bil-ħlewwa

Għall-bewsa uranika

tal-impjanti nukleari

 

Żegħiltek tippentra ’l ġildti

Idejk jaħtfu lil għadmi

 

Irwieħna radjoattivi

Jaħarqu

Jaħarqu

Sinjali

Bċejjeċ

Fissjoni

Ftuq

 

Ġildti taqa’ ħdejn saqajk

Jien għarwien

Jien għarwien b’mod li qatt ma kont

 

3

Tikwi l-art t’Awwissu

Jien hawn imma mhux hawn

Nistħajjel il-ġranet

Nistħajjel l-iljieli

Fejn se tkun qalb tgħanniqa w’oħra?

Fietla, fietla

Tikwi, tikwi

l-art t’Awwissu!